FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ბოლო დროს ივანე ჯავახიშვილის სახელობის თბილისის სახელმწიფო უნივერსიტეტში განვითარებული მოვლენების პასუხად გვინდა განვაცხადოთ, რომ ჩვენ ვგმობთ ძალადობის ყოველგვარ გამოვლინებას. აკადემიურ სივრცეში არსებობის ბუნებრივი ფორმაა აზრის თავისუფალი გამოხატვა, კონსტრუქციული კრიტიკა, განვითარებაზე ზრუნვა და პროგრესისკენ სწრაფვა. მაგრამ ბოლოდროინდელი მოვლენები სცდება ცივილიზებულობის საზღვრებს, რაც სრულიად დაუშვებელია საზოგადოდ, და აკადემიურ საუნივერსიტეტო სივრცეში განსაკუთრებით.
ფსიქოლოგიისა და განათლების მეცნიერებათა ფაკულტეტი კიდევ ერთხელ გამოხატავს შეშფოთებას ძალადობრივი ქმედებების გამო და მოუწოდებს პროტესტში მონაწილე სტუდენტებს კონსტრუქციული დიალოგისკენ. აქვე აღვნიშნავთ, რომ ფსიქოლოგიისა და განათლების მეცნიერებათა ფაკულტეტზე გამოცდები ჩატარდება არსებული საუნივერსიტეტო წესების შესაბამისად, არადისტანციურ რეჟიმში.